Protesta e shoqërisë civile kundër ndërtimit tek Parku i Liqenit Artificial është pasqyruar edhe nga mediat ndërkombëtare. E duket se dhuna është ajo që ka tërhequr vëmendjen e Russia Today, rrjetit televiziv proqeveritar rus.
“Protesta për parkun e fëmijëve shpërthen në dhunë në Shqipëri”, e nis shkrimin RT.
“Përleshjet shpërthyen të dielën në mes të policisë dhe aktivistëve që protestonin kundër planeve të qeverisë për të ndërtuar një shesh lojërash në kryeqytetin shqiptar, Tiranë. Disa njerëz u plagosën, duke përfshirë një gazetar dhe një oficer policie. Protesta është në përgjigje të vendimit të qeverisë për të ndërtuar një park lojërash për fëmijë në parkun e liqenit, hapësira e fundit e gjelbër e kryeqytetit në duart e publikut. Në shkurt, mbështetës të Partisë Demokratike organizuan një protestë jashtë ndërtesës së bashkisë, duke hedhur parulla dhe domate drejt saj”, shkruan media ruse.
Por në videon e publikuar prej shihen momentet e dhunës së policisë ndaj protestuesve dhe rezistenca e këtyre të fundit. Në një moment, një prej efektivëve që mendohet të jetë i RENEA-s i thotë protestuesve “Ta çaj kafkën oo, ça jeni ju”. Ndiqni videon!
(Boldnews)
