Pas deklaratës së Ministrit të Shëndetësisë se në fundjavë nuk ofrohet urgjenca kardiake, Ilir Beqaj shokon sërish.
Për herë të parë, ai pranon se në Shqipëri ka raste të falsifikimit të produkteve mjekësore. Deklaratën e tij e bëri gjatë raportimit në Komisionin e Jashtëm në lidhje me anëtarësimin e Shqipërisë në konventen e Këshillit të Evropës për falsifikimin e produkteve mjekësore dhe krimeve të ngjashme që paraqesin kërcënim për shëndetin publik, Kreu i Shëndetësisë deklaroi se problemet më të mëdha të konstatuara në vend, lidhen me falsifikimin e ambalazheve.
Në Shqipëri ka falsikim të produkteve mjekësore.
Ndërkohë që bëri me dije se po punohet me Ministrinë e Brendshme për të zbardhur të gjitha rastet.
“Kur përkufizojmë barin, ai lidhet dhe me ambalazhimin e tij. Nuk është e thënë që patjetër duhet të jetë lënda kimike e falsifikuar por kur përkufizohet i falsifikuar edhe ndryshimi që mund t’i bëhen për qëllime jo të rrezikshme për jetën por për arsye tregtimi edhe ndryshimi i ambalazhimit është pjesë e falsifikimit të barit.Kemi raste herë pas here të identifikuara në bashkëpunim me strukturat e krimit ekonomik.”– deklaron Beqaj.
Por nëse kjo që thotë Beqaj është e vërtetë, atëherë pikëpytje të mëdha ngrihen mbi rolin e Agjencisë Kombëtare të Barnave e cila merret me kontrollin e çdo medikamenti që futet në vendin tonë.
