Një paketë antikorrupsion dhe antirryshfet ka propozuar Dhoma Amerikane e Tregëtisë që të kalohet në Kuvendin e Shqipërisë. Sipas kreut të kësaj Dhome, Enio Jaço, Shqipëria vijon të mbetet problem sa i përket parandalimit të pastrimit të parave të pisëta.
Dhoma Amerikane e Tregëtisë, në konferencën e saj të përvitshme, ka propozuar që Kuvendi të kalojë një paketë antikorrupsion dhe anti-rryshfet.
Sipas tyre, nevojitet një reformim i sistemit të prokurimeve publike në vendin tonë.
Kreu i Dhomës, Jaço, parashtroi edhe problematikat e ligjit për amnistinë fiskale.
Jaço njoftoi se në shtator do të mbahet konferenca e parë Rajonale për Teknologjinë Digjitale.
