Ukraina do t’i rimarrë qytetet që u janë pushtuar nga Rusia, përfshirë Severodonestkun, ka thënë presidenti Volodymyr Zelensky të shtunën.
Në një video-fjalim, presidenti ukrainas u shpreh gjithashtu se vendi ishte goditur nga 45 raketa ruse në 24 orët e fundit.
Ai i përshkroi sulmet si një përpjekje cinike për të thyer shpirtin e popullit të tij.
Severodonetsku, në lindje të vendit, ra në duart e forcave ruse më herët sot pas disa javësh luftime të ashpra.
Ishte një fitore kyçe për Rusinë, e cila synon të marrë të gjithë rajonin lindor të Donbasit të Ukrainës (i përbërë nga Luhansku dhe Donetsku fqinj).
