Partia Demokratike ka vendosur të bojkotojë të gjitha zhvillimet parlamentare deri në pranimin e kushteve për qeveri teknike dhe zgjedhje të lira e të ndershme.
Burime nga selia blu bëjnë me dije për CityNews se ka pasur një konsensus nga e gjithë kryesia e PD për bojkotin e parlamentit.
Mësohet se gjatë diskutimeve, përfaqësues të PD janë shprehur se nuk ka më asnjë arsye për të shkuar në seancat parlamentare.
Mësohet se aksioni i opozitës tashmë do të përqendrohet tek qëndresa përpara kryeministrisë deri në plotësimin e kushteve.
Këtë e paralajmëroi edhe vetë kreu i opozitës Lulzim Basha, i cili tha ditën e djeshme gjatë fjalës përballë protestuesve se nuk do të ketë zgjedhje me këtë qeveri./CityNews
