20-vjeçarja Kamela Hamiti që shihni në foto humbi jetën pak orë më parë në një aksident rrugor në Elbasan, ku mbeten të plagosur edhe 4 persona të tjerë.
Mësohet se aksidenti tragjik ndodhi si pasojë e përplasjes së dy automjeteve, njëri tip “Ford”, ku ndodhej e reja dhe tjetri tip “Wolkswagen”.
Pranë JOQ, ka shkruar një mik i saj, duke treguar detaje që e bëjnë akoma më prekëse këtë ndarje tragjike.
Sipas tij Kamela jetonte në Elbasan dhe ishte e fejuar prej një viti. Çifti ishte shumë i dashuruar dhe megjithëse nuk e kishin vendosur datën e martesës, kishin filluar të planifikonin se si do ta bënin dasmën.
