Tre muaj pas puçit të parandaluar dëshmitë e Velimiroviçit dhe një dëshmitari tjetër, Aleksandar Sindjeliç – të dy puçistë të kthyer në dëshmitarë pro-prokurorisë – kanë zbuluar planin e konspiracionit.
Velimitoviç, ish-polic, kishte kërkuar që të fliste me shefin e policisë për t’u rrëfyer rreth komplotit që rrezikonte ta çonte Malin e Zi drejt rrëmujës disa muaj para se t’i bashkohej NATO-s.
Dyzet e pesë vjeçari u kishte thënë zyrtarët se ai ishte punësuar për të blerë armë dhe për ta marrë me qira një vend të fshehtë për një grup kriminal të nacionalistëve serbë, të cilët do të kryenin sulm të përgjakshëm ndaj Parlamentit, transmeton Express.
Tash, burime brenda Qeverisë së Britanisë së Madhe dhe NATO-s kanë thënë për “The Telegraph” se jo vetëm që komploti i parandaluar duket të ketë qenë i vërtetë, por ishte orkestruar nga zyrtarë të inteligjencës ruse me përkrahjen e Moskës.
Tentim puçi do ta kishte vrarë kryeministrin e atëhershëm pro-Perëndimor, Milo Gjukanoviç, për ta zëvendësuar me një qeveri pro-ruse, pas plot viteve paralajmërime nga Kremlini se Mali i Zi nuk duhet të anëtarësohet në NATO.
Ky tentim puç është duke u parë se njëri prej tentim agresioneve të Rusisë për ta minuar Perëndimin.
Mali i Zi është i vendosur për t’iu bashkuar NATO-s si anëtarja e 29-të.
Por, kjo e ka zemëruar Rusinë. Kremlini e sheh veten të rrethuar nga një NATO që po zgjerohet, si dhe kishte shpresuar se do të siguronte për vete qasje në portin e Adriatikut, Bar.
Me pranimin e Malit të Zi në aleancën ushtarake, anëtarët e NATO-s do të shtrihesh përgjatë veriut të Mesdheut, nga Portugalia te Siria.
Liderët e Rusisë po ashtu nuk shohin ndonjë arsye pse një vend sovjetik që i ndan vlerat e fesë ortodokse do të zgjidhte Perëndimin e jo ata.
