Mario Balotelli është rikthyer në Itali.Nuk bëhet fjalë për merkato, por për pushime. Sulmuesi i njohur, së bashku me të bijën, Pia, ka zgjedhur të kalojë disa ditë në Sardegnë. Kjo nuk është një zgjedhje e rastësishme, pasi Super Mario-s edhe herë të tjera ka preferuar Italinë për t’u dëfryer gjatë muajve të verës.
31 vjeçari luajti te Adana Demirspor në Turqi në sezonin që lamë pas, ndërsa në Serie A do mbahet mend gjithmonë për sfidat e luajtura me Interin dhe Milanin.Këtë verë, përflitet për një rikthim të vërtetë të Balos në Itali, me të sapo ngjiturit e Monzës në elitë që e kanë pjesë të planit.
