Pak minuta pasi nxënësit e klasave të 9-ta kanë hyrë në provimin e Gjuhës Shqipe, në rrjete sociale është publikuar teza e këtij provimi.
Nuk dihet nëse tezat janë publikuar nga vetë nxënësit, të cilët kanë përdorur telefonat celularë, edhe pse nuk lejohet mbajtja e tyre, apo tezat kanë rrjedhur nga strukturat arsimore.
“Kush ka nerva t’i zgjidhi”, shkruhet në postimin në rrjetet sociale.
Rreth 31350 nxënës do të marrin pjesë në provim, ndërsa në proces janë të përfshirë rreth 6000 mësues. Provimi zgjat dy orë e 30 minuta dhe minimaturantët duhet të paraqiten nëpër shkolla 1 orë e 30 minuta para se të fillojë provimi. Pas këtij provimi, nxënësit do i nënshtrohen edhe testimit në gjuhën e huaj dhe lëndën e matematikës.
