Ish-kryeministri Sali Berisha e ka pranuar disa herë që nuk do të rikthehet në krye të Partisë Demokratike dhe as në krye të qeverisë. Madje ai ka qenë i qartë duke thënë se nuk merr asnjë vendim në lidhje me aksionet e opozitës.
E me sa duket ish-kryeministri ka vendosur që t’i lërë dritat e prozhektorëve të bien vetëm mbi kreun e PD-së Lulzim Basha.
Këtë e ka konfirmuar edhe statusi i tij në “Facebook”. “Entuziazëm i jashtëzakonshëm gjatë fjalës frymëzuese të Kryetarit të PD, Lulzim Basha!”, shkruan Berisha në “Facebook” duke postuar edhe një foto nga momenti kur Basha flet në podium.
Qindra mijëra qytetarë morën pjesë sot në protestën e organizuar nga opozita kundër qeverisë. Lajmi u pasqyrua edhe nga mediat ndërkombëtare.
