Një sasi prej 45.5 kg kokainë e ndarë në 40 pako u kap në portin e Durrësit e fshehur në një ngarkesë me mish pule ardhur nga Brazili. Ajo që u vu re ishte ambalazhimi që trafikantët i kishin bërë kësaj ngarkese kokaine. Policia shpërndau disa pamje të drogës ku në të ishte stampuar figura të filmave vizatimor “Goku” dhe “Buda”.
Së fundmi eksperti i kriminalistikës, Ervin Karamuço ka shpjeguar edhe mesazhin që trafikantët donin të përçonin nëpërmjet këtyre figurave.
“Për të kuptuar mesazhin grafik të personazheve në pakot e drogës në Durrës, më duhet të lexoja filozofinë e krijuesit të tyre Akira Toriyama.
“Me besimin në Zot ne do mundim çdo rival”, shkruan Karamuço.
Porositësi i mishit është një biznes nga Maqedonia e Veriut, teksa janë ndaluar 2 persona, shtetas kosovarë, shoferi dhe një përfaqësues i firmës. Ato janë ndaluar për t’u marrë në pyetje nga uniformat blu, dëshmia e të cilëve mund të ndihmojë grupin hetimor për të zbardhur të plotë ngjarjen.
Droga mendohet se kishte dy porositës, kjo për shkak se edhe pakot ishin të ndara, me imazhe të ndryshme, por që si personazh kryesor kishin protagonistin e filmit të animuar “Goku” dhe “Budën”.
