Bombola gazi kanë shpërthyer këtë mëngjes në fabrikën e Porto Romanos në Durrës. Ngjarja ka ndodhur mëngjesin e sotëm rreth orës 08:30, ku depozitat e gazit u përfshinë nga flakët. Deri më tani nuk raportohet për persona të lënduar, ndërsa situata deri më tani raportohet se situata është vënë nën kontroll. Në prononcimet që kanë dhënë në media, banorët e zonës thonë se këto shpërthime janë të përsëritura, e se hera-herës kanë qenë shumë të fuqishme.
Shumë prej tyre janë zhvendosur sot nga banesat e tyre, pasi janë alarmuar dhe se kanë marrë fëmijët dhe janë larguar drejt një zone më të sigurt. Njëri prej tyre i krahason shpërthimet me bombardimet e Rusisë. Banorët që jetojnë pranë fabrikës së gazit thanë për mediat se ishin tre shpërthime shumë të fuqishme, duke i krahasuar edhe me bombardimet ruse në Ukrainë.
Ndërkohë që ende nuk dihen shkaqet sesi ka ndodhur ngjarja, por grupi hetimor ndodhet në vendngjarje ku vijon puna për përcaktimin e shkakut të rënies së zjarrit.
