Një grua ka mbetur e plagosur me armë zjarri ditën e sotme në Shkodër.
Ngjarja ka ndodhur pranë Shkollës së Muzikës. Mësohet se ka mbetur e plagosur Flutura Muça.
Nuk dihen rrethanat e ngjarjes, por mendohet se Muça ka mbetur aksidentalisht e plagosur, pasi shënjestra e atentatorëve ka qenë tjetër person.
Ja informacioni paraprak i policisë:
Më datë 18.02.2017 rreth orës 12: 30 njoftohemi se në vendin e quajtur “Rus” pranë Shkollës së Muzikës në lagjen “Fahri Ramadani” , Shkodër, ka ndodhur një plagosje me armë zjarri.
Menjëherë në vendngjarje kanë mbëritur shërbimet e policisë të cilat kanë konstatuar se ka mbetur e plagosur shtetsja F. M, 49 vjeçe, banuese në lagjen Partizani, Shkodër.
E dëmtuara është transportuar në spitalin Rajonal Shkodër për të marrë ndihmën e nevojshme mjekësore dhe ndodhet jashtë rrezikut për jetën.
Janë ngritur pika kontrolli si dhe po bëhet krehja e zonës, me qëllim identifikimin dhe kapjen e autorit/ve dhe vendosjen para përgjegjësisë penale.
Grupi hetimor ndodhet në vendngjarje dhe po vazhdon veprimet hetimore për zbardhjen e plotë të ngjarjes.
