Tirana do të mirëpresë për 4 ditë rradhazi “Sunny Hill Festival”, duke hapur kështu dyert për të gjithë fansat e dashamirësit e këtij evenimenti.
Dukagjin Lipa, themeluesi i këtij eventi thotë se përfitimet janë të shumëfishta. Në festivalin e fundit të mbajtur në Prishtinë sipas tij jane gjeneruar 23 milionë euro vetëm për imazhin e vendit dhe se paku 10 milionë Euro për ekonominë e Prishtinës.
“50 për qind e pjesëmarrësve në Sunny Hill Festival në çdo edicion kanë ardhur nga jashtë Kosovës, nga më shumë se 40 vende të ndryshme të botës që do të thotë jo vetëm më tepër promovim për vendin por edhe të ardhura plus për rezervimet e ndryshme të të huajve.”- tha Lipa.
Vetëm blerja e biletave nis nga 70 euro, për të shkuar deri në 250 Euro për zonën VIP.
Pritet një fluks i madh i hyrjeve të pjesëmarrësve në “Sunny Hill Festival”, e cila jo vetëm do i japë një bum promovimit të vendit por edhe përfitime ekonomike të mëdha.
Bizneset e vogla e të mesme dhe strukturat akomoduese pritet të përfitojnë më tepër, duke mos lënë pas destinacionet kulturore por edhe bregdetin.
