Një automjet në lëvizje është përfshirë nga flakët në Qafë-Muzinë këtë të Enjte. Nuk raportohet për persona të lënduar. Dyshohet se zjarri në makinë ka rënë për shkaqe teknike.
“Sot rreth orës 09:30, në aksin rrugor Qafë Muzinë – Jorgucat, ka marrë flakë, në ecje e sipër, automjeti tip ‘Benz’ me drejtues shtetasin G. Z., 55 vjeç, banues në Sarandë. Paraprakisht dyshohet se zjarri ka rënë për shkak të një defekti në mjet. Nuk ka dëme në njerëz, vetëm dëme materiale. Grupi hetimor po punon për zbardhjen e shkaqeve të rënies së zjarrit”, njoftoi policia.
