Aktori Tyler Perry e ka bërë shumë të qartë qëndrimin e tij për incidentin Will Smith-Chris Rock në çmimet Oscars. Pas atij momenti tronditës, Perry u fotografua duke folur me Smith dhe duke vendosur dorën mbi supin e tij.
Së fundmi, gjatë një interviste me Gayle King në Festivalin Tribeca të New York, ai sqaroi se nuk po mbante anën e askujt. Siç tha ai, sipas Deadline: “Ka një ndryshim midis ngushëllimit dhe uljes së tensionit. Unë isha atje, afër. Unë u largova herët për të shkuar dhe për të parë Chris sepse ishte e gabuar ajo që ndodhi dhe u sigurova që t’ia them këtë edhe Will.”
Perry tha se Smith ishte i shkatërruar: “Ai nuk mund ta besonte atë që ndodhi. Ai nuk mund ta besonte se e bëri atë. Dhe po e shikoja këtë njeri në sy duke thënë: “Çfarë po bën?” Kjo është nata jote…” Ishte një nga momentet kurorëzuese i karrierës së tij që ai e donte kaq dëshpërimisht.”
Sipas ‘People’, Perry vuri në dukje se ka qenë shumë e vështirë të jesh miq me të dy: “Më beso, sado e dhimbshme që ishte për të gjithë ne, ishte po aq e dhimbshme për Chris, i cili u tregua një kampion për mënyrën se si e trajtoi atë. Por unë dua që ju të kuptoni se diçka ndodhi që ishte jashtëzakonisht e dhimbshme edhe për Will. Ky nuk është justifikim. Ai ishte plotësisht gabin në atë që bëri. Por diçka e nxiti atë – kjo është shumë jashtë çdo gjëje që ai është.”
