Një djalë i ri u arrestua në portin e Durrësit pasi ka tentuar të trafikojë drejt Italisë lëndë narkotike.
26-vjeçari Berald Ismaili u zbulua nga efektivët kufitarë gjatë kontrollit fizik, teksa kishte fshehur nën rroba rreth 5 kilogramë heroinë.
Ai e kishte fshehur drogën poshtë bluzës ku e kishte siguruar me ngjitës që mos t’i binte.
Ndërkohë djali ka shfrytëzuar edhe pantallonat xhins, duke vendosur heroinën në pjesët e grisura të xhinsit, ku sërish e kishte siguruar me ngjitës. Trageti ku ai do të udhëtonte, ishte i linjës Durrës-Bari.
I riu ka tentuar të largohet gjatë kontrollit, por blutë e qytetit bregdetar kanë mundur ta neutralizojnë në kohë.
