Një batutë e Kryeministrit Edi Rama, që e cilësoi Maqedoninë e Veriut si “Bullgaria Perendimore”, i ka hapur probleme homologut të tij maqedonas, Dimitar Kovaçevski, pasi opozita në Skup i kërkon dorëheqjen.
Opozita maqedonase duket nuk ka gëlltitur faktin që Kovaçevski ka qeshur për batutën e Edi Ramës, i cili ka ironizuar bllokadën që Bullgaria i ka vendosur fqinjit të saj dhe Shqipërisë, për hapjen e negociatave.
Por, në postimin e tij në Twitter, Rama ka bërë me faj maqedonasit duke i quajtur histerike sulmet ndaj Kovaçevskit, ndërsa thotë se ka ironizuar bllokadën e Bullgarisë ndaj Maqedonisë së Veriut për nisjen e negociatave me BE-në.
“Për të qeshur dhe qarë histeria e disave në Shkup ndaj kryeministrit Kovaçevski, pas publikimit të videos së duarshtrëngimeve me Kancelarin Scholz në Selanik, ku ironizova bllokadën e shëmtuar ndaj Maqedonisë së Veriut nga ana e Bullgarisë! Sherr mejhaneje mes tymit të qofteve”, ka shkruar Rama.
Rama batutën me Kovaçevskin, e bëri të premten në Selanik në Samitin e Procesit të Bashkëpunimit të Evropës Juglindore, ku morën pjesë krerët nga rajoni, si dhe kancelari gjerman Olaf Scholz dhe presidenti i Këshillit Evropian, Charles Michel.
1 / 1
