Dy persona janë konfliktuar te Kisha e Laçit. Nga raportimet e para mësohet se një person ka mbetur i plagosur me thikë dhe është transportuar në spital në Tiranë, në gjendje të rëndë.
Raportohet se është plagosur me thikë 52 vjeçari Arben Margjini, i cili është dërguar në spital për të marrë mjekim të specializuar.
Konflikti me thika dyshohet se ka nisur për një vend shitjeje ndërmjet disa personave dhe të plagosurit.
Pretendohet se ata do krijonin vende për shitje për ditën e nesërme që fillon dhe pelegrinazhi.
Policia po heton ngjarjen.
