Nëna e një fëmije 3 vjeç e 8 muajsh që mbërriti i vdekur në Poliklinikën e Modenas pas alarmit në numrin 118 nga vetë gruaja, ka pranuar se e kishte rrahur të voglin ditën e vdekjes, në shtëpinë e tyre në qendër të qytetit më 14 janar.
Shtypi lokal nënvizon se 27-vjeçarja e kishte pranuar faktin para hetuesve. “E rraha sepse bënte teka. Doja që të pushonte së qari por nuk e mendoja se mund të vdiste”. Gruaja është për momentin e vetmja nën hetim për vrasje nga pakujdesia.
Hetuesit janë duke vlerësuar ende pozicionin e partnerit të saj, një shqiptar i arrestuar së fundmi për prostitucion, për të kuptuar nëse edhe ai e ka goditur fëmijën. Ditët e fundit, prokurorja Lucia Musti, në pritje të rezultateve të autopsisë, që për momentin janë të pjesshme, ka shpjeguar se fëmija ka pësuar një veprim të dhunshëm, aq sa i ka provokuar thyerje në pjesën e brinjëve i ndjekur nga një infeksion serioz.
