Greqia ka lëshuar një urdhër arresti ndërkombëtar për 48-vjeçarin shqiptar që dyshohet se ka përdhunuar një 22-vjeçare. Mediat e huaja shkruajnë se shqiptari që punonte si bari në Greqi kërkohet nga organet e akuzës për rastin e përdhunimit të 22-vjeçares që ndodhi në një plazh në Halkidiki javën e kaluar.
Sot Prokuroria e Apelit të Selanikut ka lëshuar një urdhër-arrest evropian, pas një kërkese të paraqitur nga familjarët, pasi ka dyshime se ai është arratisur.
“ Fatmirësisht, urdhër-arresti europian u lëshua brenda një kohe të arsyeshme ”, tha avokati i 22-vjeçares Anthoula Anasoglou.
Mendohet se ADN-ja e cila u gjet dhe u mblodh nga trupi i 22-vjeçares së përdhunuar në plazhin Kypsa në Kassandra të Halkidikit është e njëjtë me atë të gjetur në zonën ku banonte bariu që punonte në një koral të zonës. Sipas informacioneve, ekspertiza mjeko-ligjore ka nxjerrë gjetjet përkatëse që konfirmojnë denoncimin e 22-vjeçarit për përdhunim.
Burimi: Protothema
