Ambasadori Zef Bushati u shpreh lidhur me nismën e “Open Ballkan” se nuk ka transparencë dhe ende nuk ka një dokument bazë në formimin e kësaj strukture.
Bushati theksoi se pavarësisht se Escobar deklaroi anëtarësimin e gjithë shteteve të tjera të rajonit, mbi ç’bazë do të kryhet ky lloj procesi duke shtuar se nuk ka garanci se në të ardhmen ky organizëm do t’i shërbejë Ballkanit Perëndimor.
Ai tha ndër të tjera se ekziston mundësia që ky bashkëpunim në dukje i karakterit ekonomik ka prapavijë politike.
“Nismë e mirë, por nuk shoh tranparencë. Nuk shoh koncept apo dokument bazë në formimin e kësaj strukture, ke mendime të shkëputura dhe këto bëhen zakonisht në klube e lokale. Ne psh sot jemi në këtë tryezë por ama ka një kryefjalë. Ata mblidhen por nuk dihet mbi c’kritere duhet të anëtarësohen shtetet e tjera. Escobar tha te hapet por mbi ç’bazë, a do të ketë veto?
Është e shkruajtur kjo? Nuk shikoj një brum të mirë që garanton në të ardhmen një organizëm që do tu shërbente këtyre shteteve. Nuk ka shumë probleme apo pengesa të karakterit ekonomik, biznesmenë serbë vijnë përditë këtu e shqiptarë shkojnë këtu. Nuk ka lehtësira!
Nuk ka pasur as protestë nga biznesmenët, për lëvizjen e lirë apo pengesa të tjera. Ka një lëvizje të karakterit ekonomik pa problematik, përpiqemi të gjejmë ku fle lepuri. Një gjë dihet dhe dua ta theksoj, shqiptarët sot janë faktor i rëndësishëm në këtë rajon, janë në 6 shtete dhe pikë. Ne sot jemi të përhapur dhe nëse do jemi bashkë jemi shumë të fuqishëm.
Në 3 shtete dominojnë shqiptarët, tani mos ka ndonjë prapavijë në këtë realitet? U fol para pak kohësh për një linjë hekurudhore që do të lidhte Durrësin me Prishtinën. Dalja në Adriatik nga ana tjetër është ëndërr e kahershme e Serbisë”-u shpreh Bushati.
