“Asnjë prej partive kryesore në vend PS-PD-LSI nuk duhet të qëndrojë në Parlament”.
Kështu është shprehur kreu i LIBRA -s, Ben Blushi i ftuar në emisionin “Opinion”. Ai u shpreh se Partia Demokratike nuk duhet të vijë sërish në pushtet, por as Partia Socialiste dhe Lëvizja Socialiste për Integrim s’duhet të qëndrojnë në pushtet.
Sipas tij, LIBRA është një alternativë në zgjedhjet e 18 qershorit.
“Ne jemi opozitë por nuk jemi opozitë si kjo. Nëse ajo protestë arrin minimalisht të garantojë një standard zgjedhor, pra numërimin elektronik të votave, atëherë do ishte një frut i dobishëm.
PD nuk ka arsye të vijë në pushtet. As PS-ja të qëndrojë. Duhet të rrëzohen të dyja. Kjo klasë politike ka dështuar 25 vjet. Pse qenka kaq e pamundur që kjo klasë politike të ikë në shtëpi? Në këto zgjedhje LIBRA është një alternativë kundër kësaj klase politike”, u shpreh deputeti Ben Blushi.
