Sot, deputeti i Lushnjes, u paraqit me pamjen e një viktime para mediave, madje duke thënë se do të bënte edhe kallëzim penal kundër Flamur Nokës pasi ky e kishte goditur me kartën e votimit në Kuvend.
Braçja mohoi të kishte përdorur fjalor fyes dhe provokues ndaj deputetit Noka, ashtu siç pretendonin demokratët, dhe u soll si një dashnor i etikës në Kuvend, të cilit i vrisnin veshët epitetet e Berishës ndaj kolegëve të tij.
Për këdo që nuk e njeh historinë politike të Shqipërisë së këtyre viteve, po të dëgjonte deklaratat e sotme të Braçes dhe të shihte një burrë të imët dhe delikat, që me një letër fshin djersët me dorën që i dridhet, me siguri do të besonte çdo fjalë të tij.
Mirëpo ata që e njohin Erion Braçen, e konsiderojnë atë dhe disa si ai, si simbole të mungesës së etikës, gjuhës vulgare dhe ngjitjes në politikë falë aftësisë për të fyer të tjerët.
Video më poshtë, është vetëm një fragment i vogël, nga arkiva e etikës parlamentare të deputetit socialist, Erion Braçe. Aka qenë atëherë në sallë edhe Vali Leskaj?
