“Dua te largohem nga Bayern, eshte e qarte!” Robert Lewandowski konfirmon se ka ndërmend të pranojë vetëm Barçën që nga sot: “Asnjë ofertë tjetër nuk u konsiderua nga unë përveç asaj të Barcelonës”, thotë ai.
Me pas shton: “Dua të largohem nga Bayerni. Diçka vdiq te une dhe dua më shumë emocione në jetën time. Një rrugëdalje është zgjidhja më e mirë për të dyja palët.” Praktikisht tashme jane fjale divorci dhe pa menyre bashkimi…
Sipas Art. 17, në fakt do të lejohej “zgjidhja e njëanshme e kontratës për lojtarët e huaj, minimalisht 28 vjet, që kanë luajtur në të njëjtën ligë dhe për të njëjtin klub për të paktën 3 vjet”.
Megjithatë, avokati gjerman Christoph Schickhardt tha për Bild se “apelimi ndaj Statutit të FIFA-s mund të jetë një “harakiri”. Dhe vështirësia nuk është në prishjen e kontratës, por në faktin që personat e prekur duhet të kujdesen më pas për kostot për dëmin e shkaktuar”.
Në këtë mënyrë, vazhdon Schickhardt “Barcelona nuk mund të masë pasojat e pallogaritshme dhe të rezervojë paratë për të paguar një dëmshpërblim të mundshëm”
Një histori e ngjashme ka ndodhur tashmë me Franck Ribery, i cili në vitin 2009 tentoi të fluturonte për në Spanjë te Real Madrid. Megjithatë, Uli Hoeness, i nderuari president i klubit të Mynihut, e kërcënoi francezin në atë kohë, duke deklaruar se në rast lamtumire ai do t’ia bënte jetën ‘ferr’.
Krahu francez e humbi atë betejë dhe më pas qëndroi 10 vite të tjera në Bavari. Deri më sot, Hoeness është i bindur se Lewandowski do të luajë ende për Bayernin e tij vitin e ardhshëm, por epilogu i kësaj historie mbetet ende për t’u shkruar.
