Persona të armatosur kanë vrarë disa besimtarë në një kishë në Ondo, jugperëndim të Nigerisë.
Disa burra të armatosur hynë brenda kishës së Shën Françesko dhe qëlluan drejt besimtarëve gjatë një shërbimi fetar për fesën e Pentecost.
Nuk dihet ende shifra e viktimave, ndërsa një mjek konfirmoi për mediat lokale se të paktën 50 trupa ishin dërguar në dy spital të qytetit.
Pasi vizitoi kishën dhe spitalin, ligjvënësi Ogunmolasuyi Oluëole tha për Associated Press se mes të viktima kishte edhe fëmijë. “Po kaloja në zonë kur dëgjova një shpërthim të fortë dhe të shtëna armësh brenda kishës”, tha një dëshmitar, duke shtuar se ishin të paktën pesë persona të armatosur.
Në një seri postimesh në Tëitter, Guvernatori i shtetit Ondo, Rotimi Akeredolu e konsideroi një “sulm të poshtër dhe satanik” ndaj njerëzve të pafajshëm.
Ai bëri apel për qetësi duke u kërkuar njerëzve që të mos e marrin ligjin në duart e tyre. “Ata do gjenden dhe do paguajnë për krimet e tyre”, tha ai.
Rreth një javë më parë kreu i Kishës Metodiste në Nigeri u rrëmbye së bashku me dy klerikë të tjerë në juglindje të vendit. Ai raportohet se pagoi një shumë prej 140 mijë dollarësh për tu liruar.
Dy javë më parë, dy priftërinj katolikë u rrëmbyen në Katsina, shteti i lindjes së Presidentit, Muhammadu Buhari në veri të vendit. Ata nuk janë liruar.
