Kreu i grupit parlamentar socialist, Taulant Balla mori pjesë në homazhet që zhvillohen në Presidencë në nder të ish-kreut të shtetit Bujar Nishani.
Në një prononcim për mediat jashtë institucionit, Balla tha se Nishani ka treguar vlerësim maksimal ndaj kushtetutës dhe institucioneve.
“Bashkë me kolegë kemi qenë sot për të dhënë lamtumirën e fundit një shtetari si Bujar Nishani. Do ruaj gjithmonë respektin për Bujar Nishanin, kundërshtar por natyrshëm një personalitet i respektuar që erdhi nga fusha ushtarake por që tregoi disa herë me radhë respektin ndaj kushtetutës. Ai ka treguar vlerësim maksimal ndaj kushtetutës dhe institucioneve. I shpreh familjes Nishani ngushëllimet më të sinqerta, nuk qe e shkruar të fitonte betejën për jetën por ngushëllimet tona mbeten nga më të sinqertat”, tha Balla.
