Argjentina ka mundur 3-0 në Wembley Italinë duke fituar trofeun “Finalissima”, e cilësuar si Kupa e Kampionëve nga UEFA (kampionët e dy kontinenteve, Europës dhe Amerikës së Jugut).
Suksesi i dytë i Argjentinës në tre finale të luajtura në total ku e para ka shkuar për Francën ndërsa viti 2022 shënoi edhe edicionin e parë pas rreth 4 dekadave dhe tashmë FIFA synon të fusë në kalendarin zyrtar sfidën interkontinentale.
Golin e parë të ndeshjes e sigloi Lautaro Martinez që konkretizoi rastet e shumta të krijuara nga Argjentina. Në pjesën e parë do të kishte tjetër gol teksa Di Maria shënoi në minutën e 45-të.
Edhe pjesa e dytë foli për bardhekaltërit që sigluan një tjetër rrjetë në fundin e ndeshjes nga ish-juventini Paulo Dybala.
