Drejtoria e Përgjithshme e Parandalimit të Pastrimit të Parave ka gjobitur me 3 milionë lekë tëreja Raiffeisen Bank lidhur me transfertën prej 7 milionë euro të tërhequr nga shtetasi Nue Kalaj, i lakuar si ndërmjetës në privatizimin e kompanisë OSHEE nga CEZ.
Por ndonëse transferta e kësaj shume është kryer në qershor 2009, gjoba ndaj Raiffeisen Bank ështëvendosur në datën 8 shkurt të këtij viti, me argumentin se është shkelur ligji “Për parandalimin e pastrimit të parave dhe financimit të terrorizmit”.
Fakti që kjo gjobë vjen në një moment të tillë krijon dyshime se po shfrytëzohet politikisht nga Rama në kuadër të komisionit hetimor për CEZ. Drejtoria e Parandalimit të Pastrimit të Parave e drejtuar nga socialistët që prej vitit 2013, e kishte gjithë kohën në dispozicion për të gjobitur Raiffeissen Bank për transfertën 7 milionë euro të Nue Kalaj.
Ndërkohë siç shihet nga shkresat, gjoba është vendosur një javë më parë, teksa ka dalë në skenë emri i Nue Kalaj gjatë komisionit hetimor për CEZ. Shkresat që sjell Lapsi.al mbajnë firmën e drejtorit të Parandalimit të Pastrimit të Parave, Alket Hyseni, i cili është gjithashtu kryetari i Komisionit të Garancive Statutore në Partinë Socialiste. Hyseni u emërua në këtë post pas largimit të Gent Gazhelit në Turqi, me detyrën e ambasadorit të Shqipërisë në këtë vend.
