Arjon Muça ka zbuluar se ka një hatërmbetje të vjetër me Arbana Osmanin. Moderatori e vlerësoi si një prezantuese absolute por i pyetur për një të keqe të saj, ai tha i ka ngelur ‘hatri’ pasi ajo nuk ka shkuar për ta përshendetur përpara se ai të futej në “Big Brother Albania”, vite më parë.
“Nuk më ka ardhur në dhomë në 2009 të më takonte, siç ka takuar të gjithë banorët e tjerë të Big Brother-it. Vetëm mua më ka ndodhur kjo”, shpjegoi Arjoni.
Mes të tjerash moderatori tha së është në një lidhje, ndonëse nuk ka postuar asnjë foto me të dashurën në Instagram, ku madje tregoi se as nuk e ka ‘follow’.
Arjoni ka qenë konkurrent i “Big Brother”, e megjithatë fama e tij zgjati përtej këtij spektakli. Ai vazhdoi karrierën në televizion si moderator i disa emisioneve të ndryshëm.
