Votimi i sotëm për rezolutën e Shqipërisë në Parlamentin Europian shkaktoi një reagim të ashpër tek mbështetësit e Brexit-it.
Mediat britanike raportojnë se ishte pikërisht Jane Collins, përfaqësuese e UKIP, parti e djathtë euroskeptike në Britaninë e Madhe, që e paraqiti si “të tmerrshëm” lajmin për afrimin e datës së fillimit të negociatave të Shqipërisë për anëtarësimin në BE.
UKIP-i u mbështet në fakte si korrupsioni dhe krimi i organizuar, që sipas deputetes janë shqetësues në Shqipëri.
Eurodeputetja i trembet lëvizjes së lirë të shqiptarëve dhe kriminelëve që i jepet mundësia të udhëtojnë lirshëm drejt Britanisë apo veriut të Europës.
Collins pretendon se veprime të tilla të parakohëshme i shtojnë arsyet se pse Britania e Madhe duhet të shkëputet sa më shpejt nga BE.
“Jo vetëm që Brexit nuk duhet të vonojë, por duhet një injektim serioz tek investimet për të fuqizuar kurifin tonë”.
Sipas deputetes, britanikët shqetësohen me të drejtë kur mendojnë lëvizjen e lirë të shqiptarëve drejt Britanisë apo Europës veriore.
Por në PE ka edhe mbështetës të Shqipërisë për nisjen e negociatave. Si eurodeputeti bullgar Ilhan Kyuchyuk, i cili kërkoi njohjen e përkushtimit të Shqipërisë për integrimin në BE dhe njohjen e rolit të vendit në stabilitetin e rajonit.
Knut Fleckenstein tha se nisja e negociatave pritet të fillojë pas zgjedhjeve parlamentare të 18 Qershorit, apo pas nisjes së zbatimit të reformës gjyqësore.
Madje në shkrim është bashkangjitur edhe një video e Kryeministrit Edi Rama, që shpreson që pas Brexit-it, Charlie Hebdo-s apo Greqisë, Europa të shkojë në drejtimin Europian dhe jo drejt izolimit.
