Policia greke ka shkatërruar një organizatë kriminale, e cila trafikonte heroinë.
Sipas mediave greke, janë arrestuar 6 persona, mes të cilëve dy shqiptarë 21 e 19 vjeç dhe 4 shtetas të komunitetit rom.
Mësohet se policia gjeti 65 kg heroinë dhe 113 kg përzjerës që ishin groposur në oborrin e një shtëpie në zonën Keratea të Athinës.
Mësohet se anëtarëve të grupit kriminal iu sekuestruan edhe armë e fishekë të ndryshëm dhe sasi e madhe parash. Disa prej anëtarëve kanë lidhje familjare mes tyre.
Sakaq raportohet se hetuesit grekë janë në kërkim të një 32-vjeçari shqiptar, që mendohet se është “truri” i organizatës kriminale.
