Ekipet e Skënderbeut, Tiranës dhe Besëlidhjës janë 3 gjysmëfinalistët e parë të Kupës së Shqipërisë.
Skënderbeut i mjaftoi një gol i shënuar nga Gavazaj për të siguruar kualifikimin në ndeshjen e kthimit ndaj Laçit, ku takimi i parë ishte mbyllur në barazim 1-1.
Kurse Besëlidhja ishte surpriza e kësaj faze, ku pas Partizanit në çerekfinale eliminoi edhe Flamurtarin nga Kategoria Superiore. Lezhjanët fituan ndeshjen e parë, ndërsa në ndeshjen e kthimit barazuan pa gola, duke siguruar një nga 4 biletat e gjysmëfinaleve.
Ndeshja Kukësi-Tirana nuk pati shumë histori. Pas ditores së parë 2-1 në “Selman Stërmasi” bardheblutë morën një barazim pa gola në Kukës, duke siguruar edhe ata gjysmëfinalet.
Kurse përballja tjetër çerekfinale, Teuta-Vllaznia do të luhet në orën 17:00 të ditës së sotme. Takimi i parë mes dy ekipeve ka përfunduar me fitoren minimale të shkodranëve 1-0.
