Avokati Spartak Ngjela është një përdorues i rregullt i rrjeteve sociale dhe herë pas here shkruan komente komplimentuese disa nga figurave të njohura të showbiz-it shqiptar dhe jo vetëm.
Avokati ka një simpati të madhe për moderatoren Bora Zemani, aq sa i ka dedikuar edhe disa komente të veçanta plot me komplimente.
I ftuar në “Shqipëria Live”, Spartak Ngjela ka treguar detaje lidhur me takimin e parë me Zemanin.
“Është realiste ajo që i kam thënë unë. Ajo ka pushtuar gjithë ekranet. Vlerësim është, nuk është nën vlerësim. Unë e vlerësova, ajo më falenderoi. Madje kemi qenë në një emision bashkë më pas. Shiko në çfarë niveli i bëj komentet, a i thuhet dot që mos i bëj komente të tilla?”-tha Ngjela.
I pyetur nga moderatori Flori Gjini nëse ka pasur raste që ia kanë marrë për keq, Ngjela e mohoi. Ndërsa u shpreh se komenton këdo që mendon se është elekuent dhe i bukur në shpirt.
“Unë zgjedh kë të dua”-shtoi ai.
