Dy persona janë arrestuar nga policia e Gjirokastrës, pasi u kapën duke transportuar refugjatë.
“Specialistët e Seksionit për Hetimin e Trafiqeve të Paligjshme, në bashkëpunim me shërbimet e Policisë Rrugore dhe shërbimet e Komisariatit të Policisë Gjirokastër, në bazë të informacioneve policore, kanë finalizuar operacionin policor “Road Guard”, si rezultat i të cilit u arrestuan në flagrancë shtetasit D. S., 20 vjeç dhe A. S., 22 vjeç, banues në Tiranë. Gjatë operacionit, në vendin e quajtur “Ura e Lumit”, Gjirokastër, shërbimet e Policisë kapën në flagrancë shtetasit e mësipërm, duke transportuar me automjetin e tyre, 3 emigrantë të paligjshëm nga vendet MENA, kundrejt fitimit”, njoftoi policia.
Në cilësinë e provës materiale u sekuestruan 1 automjet dhe 2 aparate celulare.
Të arrestuarit akuzohen për veprën penale “Dhënia ndihmë për kalim të paligjshëm të kufijve”.
