Mediat holendeze kanë pasqyruar finalen e Ligës së Konferencës të zhvilluar në stadiumin “Air Albania”, ku Fejnord u mposht nga Roma.
Sipas De Telegraaf, futbollistët e Fejnordit nuk ishin në gjendje të shfaqnin të gjithë potencialin e tyre, ndikuar kjo edhe nga mënyra se si trajneri Zhoze Murinjo e kishte rreshtuar Romën në mbrojtje.
Në artikull shkruhet se lojtarët holandezë u ndikuan nga presioni i finales, por kanë fajësuar edhe arbitrat për humbjen, pasi nuk u dha një penallti në fillim të pjesës së dytë.
Në minutën e 49-të, holandezët kërkuan një 11-metërsh në favor të tyre, pasi pretenduan se mbrojtësi i Romës, Gianluca Mancini preku topin me dorë. Pas kontrollit me sistemin VAR, arbitri vendosi se nuk do të kishte një penallti.
Bazuar te statistikat, Fejnordi ishe më superior gjatë gjithës ndeshjes, me një zotërim të topit më të lartë (67%) dhe 13 gjuajtje, por kjo nuk mjaftoi për të fituar finalen.
