Një autobuzi është shkrumbuar në Novoselë në autostradën Fier –Vlorë, ndërsa kishte shkuar të marrë punonjësit e një fasonerie nga Cakrani.
Përpara se të marrë flakë janë dëgjuar shpërthime, ndërsa njerëzit kanë zbritur në kohë nga autobusi.
Vlorë/Informacion paraprak:
Më datë 26.05.2022, rreth orës 06:50, në aksin rrugor Vlorë –Fier, tek mbikalimi i Novoselës ka marrë flakë në lëvizje, autobusi me drejtues shtetasin B. Xh., 60 vjeç. Nuk ka dëme në njerëz.
Paraprakisht dyshohet se zjarri ka rënë si pasojë e një defekti teknik në autobus.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
