Roma ka triumfuar në “Air Albania” ndaj Feyenoord duke ngritur në qiell trofeun e Ligës së Konferencës. Skuadra italiane fitoi me rezultatin 1-0, duke siguruar kështu trofeun e parë të ligës më të re Europiane.
Goli i Nikolo Zaniolos, në minutën e 32-të, i dhuroi këtë sukses të artë kryeqytetasve, të cilët kishin pritur më shumë se 60 vite, për të provuar shijen e një trofeu Europian për klube.
Edhe pse holandezët, bënë gjithçka në pjesën e dytë, për të barazuar sfidën, fati nuk ishte me ta, teksa goditën 2 herë shtyllën. Në fund, festë e çmendur e italianëve.
