Bizneset e vogla me xhiro deri në 10 milionë lekë në vit do t’u taksohen të paktën 10% e të ardhurave të tyre. Përjashtim nga kjo taksë do të bëjnë vetëm ata që janë të vetëpunësuar dhe nxjerrin një pagë minimale prej 40 mijë lekë të rinj në muaj.
Ky ishte një nga lajmet që është publikuar sot nga mediat dhe që ka sjellë një reagim të Kryeministrit Edi Rama, sipas të cilit bizneset e vogla nuk do të taksohen deri në 2029.
Madje në postimin e tij në rrjetin social, kreu i qeverisë i cilëson informacionet si të pavërteta.
Rama shton se, është thënë edhe më parë që taksa për biznesi i vogël është zero, dhe e tillë do të qëndrojë deri në vitin 2029.
“Një LAJM I RREMË ka marrë dhenë: Rama do të taksojë biznesin e vogël! Ne jemi partia që e bëri Shqipërinë të vetmin vend në Europë me taksë zero e me TVSH zero për Biznesin e Vogël dhe kjo (e kemi thënë) nuk do të ndryshojë deri në vitin 2029!Të tjerat janë tutkunërira mediatike!”, shkruan Rama.
