Tridhjetenjë deputetë të PD-së kanë dorëzuar në Kuvend kërkesën për ngritjen e një komisioni hetimor parlamentar për investimet strategjike.
Pjesë të dokumentit publikohen nga Gazment Bardhi, përmes një postimi në rrjetet sociale.
“Ligji për investimet strategjike u shndërrua nga Qeveria në ligj për abuzimin me pasuritë publike. Bashkë me një grup kolegësh dorëzuam sot kërkesën për ngritjen e një komisioni hetimor për të kontrolluar mënyrën e zbatimit të ligjit për insvestimet strategjike. Shqiptarët do të shohin sesi pronat publike po ndahen tek familjarët e ministrave, tek miqtë e Edi Ramës dhe tek një grusht oligarkësh pranë tij”, shkruan Bardhi në FB.
Një nismë e ngjashme u depozitua edhe disa javë më partë në Kuvend, me firmat e 7 ligjvënësve demokratë.
Megjithatë, shumica e socialistëve në Konferencën e Kryetarëve rrëzuan kërkesës të 7 deputetëve për ngritjen e Komisionit të Posaçëm të Kuvendit për Investimet Strategjike.
