Presidenti Ilir Meta ka reaguar për ngjarjen e rëndë të ndodhur mbrëmë në komisariatin 3 në Tiranë, ku një efektiv vrau kolegun me armë zjarri.
Meta shprehet se ngjarje të tilla trondisin besimin e publikut te policia.
Postimi i Ilir Metës:
Duke shprehur ngushëllimet më të sinqerta për familjen e oficerit të ndjerë të policisë Çaush Saliasi, që humbi jetën mbrëmë vonë, i qëlluar me armë zjarri nga një koleg i tij në ambientet e Komisariatit të Policisë nr.3 në Tiranë, apeloj me forcë për një analizë dhe reflektim të thellë nga strukturat përkatëse të Policisë së Shtetit për parandalimin e ngjarjeve të tilla, që tronditin rëndë besimin e publikut te ky institucion.
