Finalja e Conference League, e cila do të luhet në stadiumin “Air Albania” duket se do të paralizojë Tiranën, për shkak të masave ekstreme të marra nga Bashkia dhe Qeveria, në emër të asaj që konsiderohet si “siguria publike”.
Pak ditë më parë u paralajmërua se do të aplikohen të njëjtat masa që janë vënë në zbatim më parë në rastet e vizitave të Presidentit george W. Bush dhe Papa Franceskut, ndërkohë që hyrjet në qytetin e Tiranës do të jenë të kufizuara dhe do të lejohen vetëm ata që zotërojnë një biletë për të hyre në stadium.
Ndërkohë që 25 maji, dita kur edhe do të luhet kjo finale, është vendosur si dita pa makina, ndërsa policia do të bllokojë disa akse rrugore, që përfshijnë Unazën e Madhe, rrugën e Elbasanit, një pjesë të bulevardit “Dëshmorët e Kombit” dhe zonën për rreth stadiumit.
Harta e publikuar nga abcnews tregon edhe akset që do të jenë të bllokuara.
Në një dalje për mediat ditën e sotme, ministri i Brendshëm, Bledi Çuçi u bëri thirrje qytetarëve që të mos vijnë në Tiranë të mërkurën nëse. Sipas tij në kryeqytet do të jenë atë ditë vetëm ata që kanë një biletë dhe banorët vendas.
Po ashtu ai u kërkoi bankave dhe bizneseve private që ta bëjnë pushim. Ndërkohë, ministri sqaroi se ata që duan të dalin nga Tirana, do t’ju mundësohet një gjë e tillë përmes korridoreve të daljes.
Po ashtu se 25 maji do të jetë ditë pushimi për institucionet publike në Tiranë. Finalja e “Conference League”, do të luhet në “Air Albania” në orën 21:00 mes Romës dhe Feyenoordit të Roterdamit.
