Durim Bami, personi i cili u akuzuar nga Tom Doshi se tentoi ta vrasë këtë të fundit kundrejt një pagese prej 500 mijë euro, ka kërkuar ndryshimin e masës së sigurisë. Avokati i tij Mbrojtës, Ilir Murati ka depozituar një kërkesë në Gjykatën e Lartë për lirimin e plotë të Durim Bamit. Personi kyç në komplotin “Doshi”, Durim Bami, kërkon t’i hiqet masa e arrestit shtëpiak pasi kanë skaduar edhe afatet.
Durim Bami u arretua rreth një vit më parë, pas pretendimeve të deputetit Tom Doshi, se Bami donte ta vriste atë dhe Mëhill Fufin. Sipas Doshit Durim Bami ishte paguar nga Ilir Meta për vrasjen e dy deputetëve.
Më vonë Bami mohoi përfshirjen në këtë atentat dhe sipas tij gjithçka ishte sajuar nga deputeti Tom Doshi.
