Modelja e famshme, Ashley Graham, ka rrëfyer së fundmi se për pak sa nuk ka ndërruar jetë në janar, kur solli në jetë binjakët. Kjo për shkak se ka humbur ndjenjat dhe ka pësuar një hemorragji të rëndë.
34-vjeçarja rrëfeu për “Glamour” se dy djemtë, Malachi dhe Roman, lindën në tualet dhe në vaskë, përkatësisht, përpara se ajo të humbte ndjenjat. Modelja kujton se pa gjak kudo kur u zgjua. Graham më vonë mësoi se ajo kishte humbur shumë gjak.
Djemtë e sapolindur ishin mirë, ndërsa Graham qëndroi në shtrat për katër ditë rresht dhe nuk mund të ecte për një javë. Ajo kaloi gati dy muaj në shtëpi.
