Pas replikave të shumta në mediat sociale nga qytetarë për nxjerrjen e fotove të dy vajzave të arrestuara për prostitucion, Ministri Saimir Tahiri ka urdhëruar nisjen e hetimeve për publikimin në media.
Nuk është hera e parë që raste delikate që ndikojnë në jetën personale të vajzave të bëhen shpesh herë raste dënimi nga shoqëria. Duket se kësaj rradhe disa qytetarë në mediat sociale e kanë dënuar nxjerrjen nga burimet e policisë të fotove të vajzave duke e cilësuar policinë e shtetit si në vendet arabe. E, vetëm pas reagimeve mësohet se Tahiri ka nisur hetimet për ngjarjen në fjalë.
Dy vajzat u arrestuara se ushtronin prostitucion në Tiranë në kuadër të operacionit të policisë“Mustang”.
Në kuadër të këtij operacioni u arrestuan 7 persona, 3 tutorët, dy vajzat dhe dy klientët.
Fotot e vajzave të arrestuara, si dhe emrat e plotë të tyre u shpërndanë nga policia e Tiranës. Publikimi i fotove shkaktoi debat edhe në rrjetet sociale
