Banorët e zonës së Paskuqanit dhe Laprakës kanë zhvilluar takim në Ministrinë e Infrastrukturës, ku kanë diskutuar dhe me ministren Belinda Balluku sa i takon shembjes së banesave.
Ata thanë në prononcim për mediat se kërkesa e tyre ligjore është që dëmshpërblimet ndaj banorëve të prekur nga projekti i Unazës së Madhe të jenë të unifikuara. Banorët theksuan se në rast se do ketë pakënaqësi do të dalin në protesta masive, duke shtuar se IMT po dërgon gjoba ndaj qytetarëve në zonat e prekura nga ky projekt.
Një nga qytetarët tregoi para kamerave shkresën ku një banori i është dërguar shkresa për shembjen e shtëpisë të cilën e zotëronte prej 30 vitesh, shoqëruar me një gjobë rreth 11 milionë lekë të vjetra.
“Do të kemi një tjetër takim me ministren, banesat e prishura të trajtohen njësoj. Secili të marre vlerën reale të banesës”-tha një nga banorët.
“E kanë mundësinë për të devijuar rrugën ne Paskuqan por zgjedhin të shkatërrojnë hallexhinjtë. Kërkesa do bëhet me shkrim për propozimet tona. Nuk kemi kërkuar lëmoshë te qeveria, nuk është vetëm ky projekt janë dhe të tjera. Unifikim për dëmshpërblim sepse shqiptarët janë të barabartë.
Na vjen keq për disa personalitete të larta që nxjerrin dhe fjalë ofenduese. Do vazhdojmë me kërkesat tona ligjore, se njerëzit mbetën nëpër gjykata. Ça të drejte gjen aty, janë hallakatur në mënyrë të tmerrshme.
Maskaralliku vazhdon, nëse mbani mendon gjobën ndaj Loretës 2 3 milionë, Ka shkuar vendimi i prishjes shoqëruar me gjobë dhe IMT ja ka nisur këtë shkresë. Thuajse 11 milionë lëkë, pas 30 vitesh ndërtim pa leje. Patjetër do ankimohet, po paligjshmëria e insittucioneve po ndiqet po nga paligjshmëria. Mirë që të le në qiell të hapur por të fut dhe një gjobë dhe të pret këmbët”-u shpreh një tjetër.
