Deputetja e opozitës, njëherësh sekretarja e Përgjithshme e PDIU Mesila Doda, foli për zgjedhjen e presidentit.
Doda theksoi se duhet të zgjidhet një president mbi palët, që të nderojë institucionet.
Doda: Duhet të përfaqësojme unitetin e popullit dhe të zgjidhet një president mbi palët. Nga ana tjetër ky parlament ka një histori të vetën, njerëzit mblidheshin me orë të tëra për të situr njerëzit që mund të ishin kandidatë.
Duhet një president që të nderojë institucionet, politika shqiptare nuk besoj që nuk e ka mundësinë ta zgjedhë një njeri të tillë.
Për kriteret e vendosura, ne as që duhet t’i diskutojmë, ajo që propozoj është a ka mundësi ti futemi një procesi real?
Kemi momentin që të japim një rezultat të mirë për shqiptarët, për sa kohe po bëjmë politikë këtu nuk do sjellim rezultat real. Le të dalim mbi veten dhe të tregojmë se jemi të aftë, të vijnë kandidaturat dhe të ikim para me nje produkt normal.
Derisa të vendosim këtë, unë nuk besoj që do kemi rezultat të prekshëm.
