Një aksident me dy humbje jetë ka ndodhur këtë të Hënë në Vlorë.
Sipas policisë, rreth orës 10:40, në bypasin Orikum-Kaninë, duke punuar, është përmbysur një kamion.
“Dyshohet se drejtuesi kamionit ka ndërruar jetë, ndërsa pasagjeri nuk gjendet për shkak të rënieve të inerteve”, njoftoi policia në informacionin paraprak për ngjarjen, ndërsa më pas konfirmoi edhe vdekjen e pasagjerit:
“Në lidhje me informacionin paraprak të dhënë më parë, ku në bypasin Orikum-Kaninë, është rrëzuar një kamion, sqarojmë se kanë ndërruar jetë drejtuesi i kamionit – Armand Beu A. B., 32 vjeç, banues në Kavajë dhe pasagjeri në kamion Klajdi Kaja, 28 vjeç, banues në Lushnje”.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, mbyllet njoftimi i bluve.
