Juventus ka përmbysur shifrat përballë Interit në finalen e Kupës së Italisë. Për skuadrën e drejtuar nga Allegri fillimisht barazoi shifrat mbrojtësi Alex Sandro në minutën e 50-të duke iu përgjigjur kështu golit të Barellas në pjesën e parë të takimit.
Aksion i gjatë i skuadrës bardhezi që provon në çdo mënyrë të çajë. Topi shkon te Aleks Sandro i cili gjuan nga jashtë zonës dhe një devijim i lehtë i Vlahoviç barazon shifrat.
Ndërkohë vetëm 3 minuta më vonë, Vlahovic përmbysi gjithçka duke i dhënë për herë të parë avantazhin bardhezinjve.
Pas një goditje nga këndi për Interin, juventinët nisin një kundërsulm të shpejtë me Dybala i cili pason për sulmuesin serb. Ky i fundit futet në zonë, sheh gjuajtjen e parë të godasë në fytyrë Handanoviç e të dytën më pas e çon në rrjetë.
