Ekspertët e drejtësisë italiane do të përcaktojnë nëse i riu shqiptar që aksidentoi për vdekje italianin Enrico Occhini ishte nën efektin e drogës kur makina e tij goditi motorin e Occhinit. Arezzonotizie shkruan se eksperti i caktuar nga gjyqtarja hetuese Giulia Soldini do të ketë 30 ditë kohë për të kryer hetimet, ndërsa vendimi për shqiptarin pritet të jepet ditët e fundit të qershorit, kur të dëgjohet e gjithë ekspertiza.
Në timonin e makinës, në atë 31 korrik 2020 dramatike përgjatë autostradës 73, ishte një i ri shqiptar, i cili tashmë akuzohet për vrasje në rrugë. Dilema që gjyqtari kërkon të zgjidhë është nëse shoferi ka qenë nën ndikimin e drogës apo jo. Nëse do të konfirmohej përdorimi i substancave, do të kishte një rrethanë të rëndë rënduese. Mbrojtja e 30-vjeçarit bëri dy konsultime teknike: një raport për dinamikën e aksidentit dhe një për të vënë në pikëpyetje marrjen e substancave psikotrope.
Familjarët e mbrojtur nga avokatët Osvaldo Fratini dhe Marta Tofani nuk do të mund të jenë të pranishëm në sallën e gjyqit pasi në proceset civile tashmë kanë marrë dëmshpërblim nga sigurimi dhe për rrjedhojë nuk mund të marrin pjesë në procedimin penal. 30-vjeçari ka kërkuar të gjykohet me një dënim të shkurtuar dhe rrezikon një dënim që, nëse do të provoheshin rrethanat rënduese, do të shkonte nga 5 deri në 10 vjet burg.
